إيــدك فـــى إديــــا

إيـدك فـى إديــا ..

هنحقـق كل احلامنا

فى ايامنا الجـايه ..

هنخلـى الفـرح ييجـى

يزورنا ويستنى شويــه ..

مع بعض مفيش دمعه

هتفضل فى عينيك وعنيا ..

والدنيا هتحلو وترجع

وتاخدنا معاها ..

الناس فى الحب بتتغير

وتحب الدنيا ..

مش هقطف ورده هسيبها

عشان تفضل بجمالها ..

واهديـلك قلبى يعيشـلك

كل سنينى بحالهـا ..

مفيش اجمـل من كلمة حب

القلب يقولها ..

وتكون طالعه من القلب

بجد كده وحقيقيه ..

ايدك فى اديا هنحلم ..

الله ع الاحلام ..

قلبك مع قلبى لا خوف

ولاياس ولا استسلام ..

انا بيك اقوى من الدنيا

وغلبت الايــام ..

يارب تـكـمــل فرحتــى بيـك

ويخليــك ليـــا

اعتراف بالحب

أتــيت َ الـــى مدونتـــــى

لتقرأ بعـــــــض كلماتى
لتسألنى كيف حـــــــالى

وكيف تمــــــر أوقاتـــى

ولكـن مهـــلا ً لا تمضـى
إليـــــك َ اخـــرَ ابياتـــى

احبــــــك قبل ان تأتـــى

بل قبل دخولك لحياتــى
انا شهرزاد وانت الملك

قاتـــل كــل الفتيـــــــاتِ

ســـأروى لك الحواديــت
حـتـى تمر ليـــــــلاتــــى

ليله بعد َ الـــف ِ ليــــــله
ستـعشق ُ كـل َ حكايـــاتى

ان كــنت انت الشهريـــار

او شـــاطر َ الروايـــــــاتِ

ستلقانـى بالـحب ِ يومـــا

وتناديــــنى مــــــولاتــــى
حبيــبى يا امير العشـــــق

هــــل تسمــع نــــداءاتـــى ؟

لتمــضـــى الان لا بـــــأس
انـتــهــــت اعتـــرافــــــاتــى　　　　　　

اهداء خاص الى شمس اشرقت فى ذلك اليوم

بــيـن الامل واليأس
انا شفت طـاقة نـور

بصيت لقيت الشمــس

فى قصـرنا المهـــجور

ندهت عليا بــهمس

قلبك عليه الـــدور

سألت فــينك أمــس؟

قالت شعـاع مكــسور

قسـم القلوب بالنـص

جـرح الصبـايا الحـور

خـــلاهــا صعــب تحس

ان الزمـــان بيـدور

كــان لازم اديـه درس

واغـــــرقه فى بحــور

قلتلها ليه كده بـس؟

قـالت عشان مغــرور

الــــــــيـــــــــــــوم

الــيـــوم اعدام الصــــور

...

والذكريات فى الممر تنتظر

...

تصرخ باعلى صوتـــها

...

ماذا حدث بقلوب هاؤم البشر

...

كنا بارض العشق أسيادا

...

والان نقذف بالحجر

...

مالى انا ولم العتاب ولا مفر

...

قد خان حبى وهان قلبى وانكسر

...

لتعاتبوه وتحاسبوه لا انـــا

...

الصالحون لا تمسهم سقـــر

...

انا التى راته بين ذراعها

...

وسألته لم الخيانة فاعتذر

...

يرجونى بدموع تثير قسوتى

...

بدلا من العفو الذى ينتظر

...

افبعد ان توجته ملكا لعرشى

...

يأتينى بخيانة لا تغتفـر

...

ياذكريات الحب لا تتألـمى

...

فهناك حب اخر سينـتصـر

تصبحى على خير يا مصر

حبيت اتكلم واصرخ واعلى صوتى واحرر نفسى من خوفى ومن سكوتى حبيت اكون انا مش حد تانى

واعيش زى ما احب يازمانى حبيت زى البنات حلم الفرح والطرحه بيضا بلون فستانى حبيت انا ابن الجيران سافر عشان يبنلنا بيت سنه واتنين تلاته خلاص هوه نسى وانا نسيت وقلت ياريتنى ماحبيت ورجعت للصندوق ادور على البوم صورى الصغير بتاع زمان ايام ما كان القلب لا تعب واتحير وفى وسط توهة ذكريات قررت اتخلى عن الماضى وعن كل اللى فات ما انا لسه بنت العشرينات نصحونى قالوا العلم سلاح واخترت مشوار الكفاح ومشيت مشيت وعمرى ما كليت ولا مليت ونجحت بين الصحاب وبقيت نجمه تنور فى السما ومعايا شهادات انما على الارض مالهاش الا صيت فين النظام والاحترام

روتين بيخنق فى اللى باقى من السنين وبيخنق الاحلام حرام والله حرام مش دى الحكايه يامصر اللى سمعتها من جدتى مش دى نهاية قصتى هموت عليكى ودايبه فيكى وشكوتى منك اليكى ومهما كان انا بنت ارضك وان سبت ارضك غصب عنى متخافيش انا راجعه ليكى بس حبيت اشتكيلك هوه انا مش بنت نيلك هوه انا ع الارض دى كان ليا غيرك ولا تحلى الفضفضه الا فى حضن ليلك تصبحى على خير يامصر

هوه ده الحب

هو ده الحب اللى انا مستنياه

هو ده الحب اللى ياما حلمت بيه

دايبه فى هواه وحسه بيه ومصدقاه

وبيسألونى عنه اقول انا روحى فيه

بينى وبينه بلاد وراح قلبى معاه

حالف ما يرجع ليا ابدا الا بيه

اشمعنى ده اللى ارتحتله وحبيت لقاه

دا سحرنى بغرامه ياناس ده ولا ايه

حنيته وضحكته بتسبق خطاه

وشوقى يسبقنى عشان يلمح عنيه

كان فين ياقلبى من زمان وفين هواه

علشان احبه وادوب فى حبه واخاف عليه

دا حبه دا ادانى معنى للحياه

مبقتش بسأل روحى تانى انا عايشه ليه

قلبى وعمرى ودنيتى والروح فداه

ولو فيه اغلى من روحى انا افديه

حررنى

حررنى

من صوره انا فيها خيال

من حلم تحقيقه محال

من وهم عشته فى حبى ليك

من جرح بقى فوق الاحتمال

انا كنت فاكراك طوق نجاه

وقلت دا قدرى ونصيبى

ولاقيت هواك زى الحياه

فى نهايته موت ياحبيبى

كان كل حلمى قلبين وبيت

فى الحب يتهنوا سوى

كان حلم عادى سهل و بسيط

كان حلم واهو طار فى الهوى

الفجر لاح ونور الصباح

شقشق على نهارنا الوليد

هنفترق لكن انا

بتمنى تبدأ من جديد

وتلاقى حب تكمله

وقلب لما تسأله

هتعيش معايا ؟

يرد طبعا ياحبيبى

ده شىء اكيد

لكن انا هفضل هنا

مع شهريار والسيف على

حكايتى الوحيده

يمكن مشفش تانى النهار

او اعيش معاه حكايه سعيده

يمكن ويمكن ومع الف يمكن

يفضل سؤال

امتى تحررنى عشان

انا سجنى طال