هو ده الحب اللى انا مستنياه
هو ده الحب اللى ياما حلمت بيه
دايبه فى هواه وحسه بيه ومصدقاه
وبيسألونى عنه اقول انا روحى فيه
بينى وبينه بلاد وراح قلبى معاه
حالف ما يرجع ليا ابدا الا بيه
اشمعنى ده اللى ارتحتله وحبيت لقاه
دا سحرنى بغرامه ياناس ده ولا ايه
حنيته وضحكته بتسبق خطاه
وشوقى يسبقنى عشان يلمح عنيه
كان فين ياقلبى من زمان وفين هواه
علشان احبه وادوب فى حبه واخاف عليه
دا حبه دا ادانى معنى للحياه
مبقتش بسأل روحى تانى انا عايشه ليه
قلبى وعمرى ودنيتى والروح فداه
ولو فيه اغلى من روحى انا افديه
4 comments:
ماشاء الله كلام بسيط جدا
ومعانيه جميله
الحب لما بيتمكن من انسان بيكون فعلا متمكن من روحه
لا
بيكون هو روح الروح
حد يقدر يفارق روحه
لما ده بيحصل بيكون ده الموت
عندك حق وميرسى على ردك الكريم ياشموسه
الحب سيدتى
يصنع المعجزات
يسحر به عيون البشر
فكل منا يرسم في السماء صورة لحبيبه
بعد أن يرسمها فى قلبه
يرسمها ليراها كل وقت ليل وفجر
يرسمها ليتمتع بجمالها البديع
ونور حسنها الساطع
يرسمها فى جذوع وغصون الشجر
فى أوراق الزهر
و فى انغام الوتر
و فى قطرت المطر
و فى حبات الرمال
يرسمها فى شواطي البحار
و فى قطرات الندى
يرسمها فى ظلام الغسق
والشمس والقمر
فهو او هى الانسانه التى ينتظرها أزمان
وسيظل ينتظرها
ليبحر فى حبها على مر الزمان
سيدتى
سوف أجمع الأحرف حرفا حرفا
و سأقطف الكلمات من بين الأسطر
ومن زهور الربيع وأغصان الياسمين
وسأعزف أنغاما من الحروف
وسأكتب كل العبارات في ورق مخطوط
لأجعل منها أروع أكليل من الحروف والكلمات
والزهور والأنغام
وألحان الشكر والاحترام
لأقدمها لك تعبيرا عن اعجابى بنثرك
كلماتك وردك اروع من ما كتبت ياادميرال اشكرك ليس لمرورك الرائع بل لانك تسعدنى برد ماهو الا قصيدة اروع من اى كلمات
Post a Comment